भीमा शंकर सौहार्द बॅकेतून 19.54 लाख रुपये चोरीस
विजयपूर / प्रतिनिधी- दिपक शिंत्रे
जिल्ह्यातील चडचाण तालुक्यातील धुळखेड गावातील भीमाशंकर सौहार्द सहकारी संघाच्या बँकेतून रक्कम चोरीला गेल्याची घटना बुधवारी रात्री घडली. इंडीचे आमदार यशवंतराय गौडा पाटील यांच्या अध्यक्षतेखाली चालत असलेल्या भीमाशंकर सौहार्द सहकारी संघाच्या बँकेतून बुधवारी रात्री उशिरा चोरट्यांनी 19.54 लाख रुपये चोरून नेल्याची माहिती पोलीस सूत्रांकडून मिळाली आहे.
पोलीस घटनास्थळी पोहोचल्यानंतर चोरट्यांचा माग काढण्यासाठी स्शान पथकाचा माध्यमातून कारवाई सुरू करण्यात आली.
याप्रकरणी झलकी पोलीस ठाण्यात गुन्हा दाखल करण्यात आला आहे.
