विजयपूर जिल्ह्यात पिण्याच्या पाण्याची समस्यांवर जिल्हाधिकारांची तातडीची बैठक, अधिकाऱ्यांना सूचना
विजयपुर/ प्रतिनिधी- दिपक शिंत्रे
संपूर्ण जिल्ह्यात उन्हाळ्यात पिण्याच्या पाण्याची समस्या उद्भवू नये यासाठी तातडीने आवश्यक ती सर्व तयारी करण्याची सूचना जिल्हाधिकारी टी. भुबालन यांनी संबंधित अधिकाऱ्यांना दिल्या आहेत
त्यांनी जिल्हाधिकारी कार्यालयातील सभागृहात व्हिडीओ कॉन्फरन्सद्वारे पिण्याच्या पाण्याचे व्यवस्थापन आणि पाण्याची स्थिती याबाबत बैठक घेतली आणि जिल्हाभरात पिण्याच्या पाण्याची समस्या उद्भवू शकणारी गावांचे नोंद तातडीने करण्यात यावी समस्या असलेल्या भागात पंचायतीने पाणीपुरवठा करण्यासाठी कार्यवाही करावी. गरज असेल तरच खासगी टँकरद्वारे पिण्याचे पाणी पुरवठा करावा. ते म्हणाले की, गरज भासल्यास पिण्याच्या पाण्याची अडचण होऊ नये यासाठी खबरदारीचा उपाय म्हणून अतिरिक्त पाणी असलेल्या खाजगी बोअरवेल द्वारे पाणी पुरवठा करण्यात यावे.
विजयपूरमधील पिण्याच्या पाण्याचे व्यवस्थापन, पाण्याची स्थिती यावर जिल्हाधिकारी टी. भुबालन यांनी बैठकीत माहिती घेतली
उन्हाळ्यात पिण्याचे पाणी आणि गुरांना चारा मिळावा यासाठी आवश्यक चारा साठा ठेवला पाहिजे आणि टास्कफोर्स कमिटीच्या बैठका वेळोवेळी घेतल्या पाहिजेत. गावपातळीवर व तालुकास्तरावर टास्कफोर्स कमिटीच्या बैठका घेऊन योग्य कृती आराखडा तयार करून सादर करण्यात यावा जेणेकरून उन्हाळ्यात लोक व पशुधनाला पिण्याच्या पाण्याची समस्या उद्भवू नये. ग्रामपंचायत, नगरपालिका, नगर पंचायत आणि स्थानिक नगर स्वराज्य संस्थांमध्ये पिण्याच्या पाण्याची समस्या होऊ नये यासाठी त्यांनी सर्व माहिती संग्रह करून आराखडा अगोदर तयार करण्याची सूचना त्यांनी अधिकाऱ्यांना दिल्या.
विजयपूर शहराच्या हद्दीत पिण्याच्या पाण्याचा प्रश्न निर्माण होणार नाही याची काळजी घ्यावी. भूतनाळ तलावाशेजारील मुख्य कालव्यातून तात्पुरत्या खुल्या कालव्याद्वारे भूतनाळ तलावापर्यंत पाणी पोहचविण्याचे आणि पिण्याच्या पाण्याची अडचण होऊ नये यासाठी तलाव भरण्याची कार्यवाही करण्याच्या सूचना त्यांनी महानगर पालिका आयुक्त आणि शहर पाणीपुरवठा व अधिकाऱ्यांना दिल्या.
या बैठकीत कृष्णा भाग्य जल महामंडळाचे मुख्य अभियंता एच. एन. श्रीनिवास, इंडी उपविभागीय अधिकारी आबिद गड्याल, जिल्हा पंचायत उपसचिव विजयकुमार अजुरा, अन्न व नागरी पुरवठा विभागाचे उपसंचालक विनयकुमार पाटील, पशुसंवर्धन विभागाचे उपसंचालक डॉ. अशोक घोणसगी, ग्रामीण पेयजल व स्वच्छता विभागाचे अभियंता कुंभरा, नागरी पाणीपुरवठा मंडळाचे अधिकारी उपस्थित होते.
