विजयपूरात भाजपाच्या ग्राम चलो अभियानास प्रारंभ
विजयपूर /प्रतिनिधी- दिपक शिंत्रे
विजयपूर शहरातील वार्ड क्रमांक 10 मध्ये भाजपाच्या ग्राम चलो अभियान प्रारंभ भाजपचे एस सी मोर्चाचे राज्य सचिव उमेश कारजोळ यांनी शुभारंभ केला
या प्रसंगी पंतप्रधान नरेंद्र मोदी यांच्या कारकिर्दीत केलेल्या अनेक लोकाभिमुख आणि विकासाभिमुख योजनांची माहिती देणारे पत्रके वाटप करण्यात आले
राममंदिराचे लोकार्पण, काश्मीरचा विशेष दर्जा रद्द करणे, महिलांना विधानसभेत आरक्षण देण्याचे विधेयकास मंजुरी, किसान सन्मान योजना अशा अनेक योजनांची माहिती असलेली पत्रकांचे वाटप करण्यात आले.
यावेळी बोलताना उमेश कारजोळ म्हणाले की, पंतप्रधान नरेंद्र मोदी यांच्या कार्यकाळात आपला भारत देश जागतिक गुरू होण्याच्या दिशेने वाटचाल करत आहे, अनेक चांगल्या योजनांच्या माध्यमातून देशाची प्रगती झाली आहे, प्रत्येकांचे बँकेत खाते उघडण्यात आले प्रामुख्याने भ्रष्टाचार ,काळ्या पैसा विरुद्ध भक्कम लढा देण्यासाठी नोटा बंदी, राममंदिर लोकार्पण, शेतकऱ्यांना आश्रय देण्यासाठी किसान सन्मान योजना मोदीजींच्या कर्तृत्वाची यादी मोठी आहे, मोदीजींच्या कार्यक्षम प्रशासनाचे आणि नेतृत्वाचे जगाने कौतुक केले आहे, त्यामुळे यावेळीही पुन्हा एकदा पंतप्रधान मोदींना विकासासाठी साथ द्यावी, कार्यकर्त्यांनी मोदीजींचे कर्तृत्व , कार्य कार्यक्रम, योजनांची माहिती सर्वसामान्य मतदारांपर्यंत पोहचविण्याचे कार्य कार्यकत्यांनी करावे असे सांगितले
याप्रसंगी जिल्हा सरचिटणीस साबू माश्याळ, नागठाण मंडळाच्या अध्यक्ष नविन अरकेरी, संजीव ऐहोळे, संगमेश हावदी ,चिदानंद चलवादी, सिद्धानगौडा बिरादार, सचिन कुमशी, रवी बिरादार, रवी मुकार्तिहाळ यांच्यासह अनेक कार्यकर्ते उपस्थित होते.
