दुधनी शिवाजी नगर तांडा येथे होळी मोठ्या उत्साहात साजरा
दुधनी प्रतिनिधी- विश्वनाथ राठोड
शिवाजी नगर तांडा येथे बंजारा पुरुष व महिला पारंपारीक पोशाखात बंजारा नृत्य व लेंगी गीत म्हणून होळी साजरी केली . शिवाजी नगर तांडा येथील पोलीस दिलीप राठोड व सुरेश चव्हाण यांच्या मुलांचे होळी धुंड सण साजरे करावयाचे असलेने तांड्याचे नायक हरीचंद्र राठोड यांच्या घरासमोर होळी सणाचे नियोजन करण्यात आले .
या वेळी संदीप राठोड व प्रविण चव्हाण यांची गेरया म्हणून निवड करण्यात आले . जेष्ठ शंकर राठोड , हरीचंद्र राठोड व कारभारी लालू पवार यांनी लेंगीचे गाणे म्हटले . यानंतर होळीला सुरुवात करण्यात आली . पहाटे पाच वाजता तांड्यासमोर होळी पेटविण्यात आली . त्यानंतर लेंगी गीताच्या तालावर नाचगाण झाले . नंतर संपूर्ण शिवाजी नगर तांड्यात प्रत्येक घरासमोर जाऊन लेंगी गीत म्हणत गेर उकळले . संध्याकाळी चार वाजता घरासमोरील मोकळ्या जागेत भांड्यात खिर टाकुन दोन लाकडे रोऊन बांधण्यात आले .
प्रथेनुसार महिलांच्या ताब्यातून पुरुषांनी मार खात खिरीचे हंडे सोडविले . त्यानंतर यावर्षी जन्माला आलेल्या मुलाच्या डोकीवर लाल कापड बांधून धुंड कार्यक्रम बंजारा बोली गीत चरीक चरीया चंपा बोल , जु - जु चंपा लेरा ल , पेलो बेटा नायकी कर हे गाणे गायले यानंतर खिर व पुरीचे जेवण देण्यात येऊन होळीची सांगात करण्यात आले . यावेळी जेष्ठ शंकर राठोड , नायक हरीचंद्र राठोड , कारभारी लालू पवार , निवृत एसीपी मोतीचंद राठोड , समाजसेवक अशोक राठोड , शिक्षक पोमू राठोड , विश्वनाथ राठोड , लक्ष्मण राठोड , तुकाराम पवार , आकाश राठोड , अंबादास राठोड , तिप्पू जाधव , गोंविद राठोड , राजू राठोड , सोमनाथ पवार , पोमू चव्हाण , विजय पवार , प्रदिप राठोड , तुकाराम पवार , बंटी पवार , दिलीप राठोड , सुनिल राठोड , जगनाथ पवार , भानुदास राठोड , भिल्लू चव्हाण , लिंबाजी चव्हाण , संजय राठोड गोंविद राठोड , हिरालाल राठोड आदी उपस्थित होते .
