अनैतिक संबंधातून दोघांची हत्या
विजयपुर/ प्रतिनिधी- दिपक शिंत्रे
विजयपुर जिल्ह्यातील निडगुंडी तालुक्यातील मरदगी तांडा येथे अनैतिक संबंध असल्याचा संशयावरुन दोघांची हत्या करण्यात आल्याची घटना घडली आहे.
कल्लप्पा कुंबर ( वय ३५) पार्वती तळवार (वय ३८) यांची हत्या करण्यात आली आहे.
ते निडगुंडी तालुक्यातील गणी गावचे रहिवासी असून विवाहित पार्वती आणि कल्लप्पा यांचे अनैतिक संबंध बरेच दिवसांपासून होते पार्वती आणि कल्लाप्पा मरदगी तांडाजवळील शेतात एकत्र असताना त्यांची हत्या करण्यात आली असून तसेच हत्येनंतर मारेकऱ्यांनी मृतदेहावर काटे झुडुपे टाकले असल्याचे दिसून आले.
पार्वतीच्या कुटुंबीयांनीच ही हत्या केल्याचा संशय आहे. सीपीआय शरण गौडा आणि निडगुंडी पोलिस स्टेशनच्या कर्मचाऱ्यांनी घटनास्थळी भेट देऊन पाहणी केली. मारेकऱ्यांचा शोध घेण्यासाठी पोलिसांकडून कसून तपास सुरू आहे. निडगुंडी पोलीस ठाण्यात या घटनेची नोंद करण्यात आली आहे.
