विजयपूर जवळ भीषण रस्ता अपघातात चार जण ठार; तीन जखमी
विजयपूर /प्रतिनिधी- दिपक शिंत्रे
विजयपूर जिल्ह्यातील बबलेश्वर तालुक्यातील अर्जुनगी गावाजवळ आज पहाटेच्या सुमारास कार आणि ट्रक यांच्यात झालेल्या भीषण अपघातात चार जण जागीच ठार तर तीन जण जखमी झाले आहेत
दोन पुरुष, एक स्त्री, एक मुलगा या अपघातात मृत्यू झाले आहेत
कार आणि सिमेंटची वाहतूक ट्रकची समोरासमोर धडक झाल्याने कारमधील चार जण जागीच ठार झाले तर तीन जण जखमी झाले.
अर्जुन कुशलसिंग राजपूत (वय 32, रा. बरटगी तांडा, तिकोटा तालुका, विजयपूर रविनाथ सुनील पत्तार, वय 52, रा. मुधोळ , जिल्हा बागलकोट ), पुष्पा रवि पत्तार (वय 40, रा. मुधोळ जिल्हा बागलकोट) आणि विजयपुर शहरातील रहिवाशी मेघराज अर्जुनसिंग रजपूत वय १२ या चौघांचा मृत्यू झाला असून, त्यांना उपचारासाठी जिल्हा रुग्णालयात दाखल करण्यात आले आहे जयश्री अर्जुन रजपूत, नायरा अर्जुन रजपूत आणि प्रेमसिंग अर्जुन रजपूत जखमी झाले. हे सर्व विजयपूर जिल्ह्यातील आहेत.
ते तिकोटा तालुक्यातील बरटगी तांडा येथील रहिवासी आहेत. हे सर्वजण केए २८ डी १०२१ क्रमांकाच्या कारमधून विजयपूरहून जमखंडी जात होते.
तर जमखंडी येथून सिमेंटचा घेऊन निघालेली KA 16 B 6472 क्रमांकाची लॉरी विजयपुर कडे येत असताना समोरासमोर धडक दिल्याने हा अपघात घडला आहे बबलेश्वर पोलीस ठाण्याचे अधिकारी व कर्मचाऱ्यांनी मृतदेह बाहेर काढले एसपी ऋषिकेश सोनावणे व इतर अधिकाऱ्यांनी भेट देऊन पाहणी केली.
याप्रकरणी बबलेश्वर पोलीस ठाण्यात फिर्याद दाखल करण्यात आली आहे.
