क्रूझर पलटी होऊन 14 जण जखमी
विजयपुर/प्रतिनिधी- दिपक शिंत्रे
विजयपूर जिल्ह्यातील मुद्देबिहाळ तालुक्यातील येरगल्ला-मदारी गावा जवळील श्री बालाजी साखर कारखान्याकडे कर्मचारी व कामगारांना घेऊन जाणारी क्रुझर जीप पलटी होऊन १४ जण जखमी झाले असून तीन जण गंभीर जखमी झाले आहेत.
अपघाताची माहिती समजताच शेजारील ग्रामस्थ घटनास्थळी धाव घेऊन त्यांनी आरोग्य कवच रुग्णवाहिका बोलावून रुग्णवाहिका व खाजगी वाहनातून जखमींना तालुका शासकीय सार्वजनिक रुग्णालयात दाखल केले डॉक्टर डॉ परशुराम वड्डा यांच्या नेतृत्वाखाली रुग्णालयातील वैद्यकीय कर्मचाऱ्यांनी सर्वांवर प्राथमिक उपचार केले. वाहन पलटी होऊनही कोणाचा मृत्यू झाला नाहीं गंभीर जखमी झालेल्या मुड्डेबिहाळ येथील अनिला वड्डार, मुडनाळा येथील विठ्ठल नावी, मुधोळ येथील मल्लिकार्जुन कुंभर यांना पुढील उपचारासाठी बागलकोट खासगी रुग्णालयात दाखल करण्यात आले आहे
जीप कशी उलटली याचे नेमके कारण समजू शकले नाही. याप्रकरणी मुड्डेबिहाळ पोलिस ठाण्यात गुन्हा दाखल करण्यात आला आहे.
उपचाराचा खर्च कारखान्याने उचलला
क्रुझर उलटून त्यांच्या कारखान्यातील कर्मचारी जखमी झाल्याबद्दल कारखान्याच्या व्यवस्थापन मंडळाने तीव्र दु:ख व्यक्त केले असून सर्व जखमींच्या वैद्यकीय खर्चाची भरपाई केली आहे. त्यांनी त्यांच्या कारखान्याच्या एचआर विभागातील एका अधिकाऱ्याला रुग्णालयात पाठवून सर्वांच्या आरोग्याची काळजी घेतली. कारखान्याच्या एचआर विभागाचे मारुती गुरव म्हणाले की, बागलकोटमध्ये दाखल झालेल्यांच्या उपचाराचा खर्चही ते करणार आहेत.
