कार अपघातात दोघांचा जागीच मृत्यू, एकजण गंभीर जखमी
विजयपुर/ प्रतिनिधी- दिपक शिंत्रे
शिप्ट कार रस्त्यावरील दुभाजकाला धडकल्याने झालेल्या अपघातात दोघांचा जागीच मृत्यू झाला असून एकजण गंभीर झाला आहे.
या अपघातात मल्लू डोलगोंडा (वय 32) परशु मिनजीगी (वय 26) यांचा जागीच मृत्यू झाला. विजयपूर जिल्ह्यातील बसवनबागेवाडी इंगळेश्वर मार्गाच्या मध्यभागी हा अपघात रात्रीच्या वेळी झाला. कारमधील पाच जणांपैकी दोघांचा जागीच मृत्यू झाला असून एकाची प्रकृती चिंताजनक आहे. हे सर्वजण मूळचे इंगळेश्वर गावचे असून रेवण शेकणी यांची प्रकृती गंभीर आहे. त्याच्यावर विजयपूर येथील खासगी रुग्णालयात उपचार सुरू आहेत. याप्रकरणी बसवनबागेवाडी पोलिस ठाण्यात गुन्हा दाखल करण्यात आला आहे.
