शिक्षणाबरोबरच क्रिडांनाही महत्त्व द्या
- जिल्हाधिकारी टी भुबलन
विजयपुर/ प्रतिनिधी- दिपक शिंत्रे
विद्यार्थ्यांनी , विद्यार्थी जीवनाच्या महत्त्वाच्या टप्प्याचा अधिकाधिक सदुपयोग करावा व अभ्यासासोबतच अतिरिक्त क्रिडा स्पर्धाना महत्त्व देऊन उज्ज्वल व सुरक्षित भवितव्याचा पाया रचण्याचे आवाहन केले.
अल्पसंख्याक संचालनालय आणि जिल्हा अल्पसंख्याक कल्याण विभागाच्या अंतर्गत कार्यरत असलेल्या जिल्ह्यातील तिकोटा तालुक्यातील अरकेरी येथील डॉ. एपीजे अब्दुल कलाम निवासी विद्यालयात आयोजित आंतरशालेय व महाविद्यालयीन क्रीडा स्पर्धेच्या उद्घाटन करताना ते बोलत होते.
सावली जशी आपल्या मागे येते तसे आपले कर्तृत्व आपले अनुसरण करतात. मेजर ध्यानचंद यांचा वाढदिवस आज राष्ट्रीय क्रीडा दिन म्हणून साजरा केला जातो. त्यांनी हॉकीमध्ये आपला ठसा उमटवला आहे आणि त्यांचे कार्य आपल्या सर्वांसाठी प्रेरणास्थान आहे. त्यांच्या या यशाचे निरीक्षण करून विद्यार्थी त्यांच्या अविरत परिश्रमाने केलेल्या यशातून प्रेरणा घेत यशाच्या वाटेवर वाटचाल करतील, राज्य व राष्ट्रीय स्तरावर चांगली कामगिरी करून जिल्ह्यास गौरव मिळवून देतील, अशी अपेक्षा त्यांनी व्यक्त केली.
ही निवासी शाळा डॉ. अब्दुल कलाम यांच्या नावाने असून, त्यांच्या चरित्राचा अभ्यास करून त्यांचे कर्तृत्व जाणून घेतले पाहिजे. यश मिळवणारे हे नेहमीच आपल्यासाठी प्रेरणादायी असतात. आपल्या शालेय जीवनातील प्रसंगाचे स्मरण करून अशा महान व्यक्तींना दोनदा भेटण्याची संधी मिळाल्याबद्दल जिल्हाधिकाऱ्यांनी अभिमान व्यक्त केला.
जिल्हा पंचायतचे मुख्य कार्यकारी अधिकारी ऋषी आनंद म्हणाले की, अल्पसंख्याक कल्याण विभागाने विद्यार्थ्यांना खेळात प्राविण्य मिळवण्याच्या अनेक संधी उपलब्ध करून दिल्या असून, त्यांनी याचा लाभ घेऊन चांगले यश मिळवण्यासाठी प्रयत्न करावेत.
यावेळी विजयपूर आयआरबी कमांडंट नंदकुमार, अल्पसंख्याक कल्याण विभागाचे जिल्हा अधिकारी प्रशांत पुजारी, अरकेरी डॉ. एपीजे अब्दुल कलाम निवासी शाळेच्या मुख्याध्यापिका कु. रेखा बर्की आदी उपस्थित होते.
