रस्ता ओलांडताना दुचाकीची धडकेत झालेल्या अपघातात चार जण ठार
विजयपूर/ प्रतिनिधी- दिपक शिंत्रे
विजयपूर जिल्ह्यातील मुड्डेबिहाळ तालुक्यातील कुंटोजी गावाजवळ मध्यरात्री एका दुचाकीने पादचारी तरुणांना धडक दिल्याने झालेल्या अपघातात तीन जण जागीच ठार तर एकाचा रुग्णालयात मृत्यू झाला तर चार जण गंभीर जखमी झाले आहेत.
या अपघातात उदयकुमार ऊर्फ कुमार पठ्ये वय 19 रा.मुलगलदिन्नी ता. मुद्धेबिहाळ, अनिल मल्लत्पा खैनुर वय 27 रा हंचली ता. देवरहिप्परगी, निंगराज देवेद्रप्पा चौधरी वय 22 रा . गोटखांडकी ता. मुद्धेबिहाळ यांचा जागीच मृत्यू झाला, तर रायप्पा बागेवाडी वय 22 रा.गोटखांडकी ता. मुद्धेबिहाळ यांचा रुग्णालयात उपचारादरम्यान मृत्यू झाला.
हनमंत कुरुबगौडर, प्रशांत कुरुबगौडर, शहीद हुनगुंद, शंकरप्पा कोंडगोळी यांना गंभीर दुखापत झाल्याने रुग्णालयात दाखल करण्यात आले आहे.
कुंटोजी गावात बसवेश्वर जत्रेनिमित्त सांस्कृतिक कार्यक्रम पाहण्यासाठी टमटमने गेलेले युवक लघू शंकेसाठी रस्ता ओलांडून जात असताना जोरात आलेल्या दुचाकीस्वारांनी त्यांना धडक दिली . या अपघातात दुचाकीस्वार व मागे बसलेला युवक व दोन पादचाऱ्यांचा मृत्यू झाल्याची नोंद मुद्धेबिहाळ पोलीस ठाण्यात झाली आहे
सीपीआय मल्लिकार्जुन तुलसीगेरी, पीएसआय संजय तिपरेड्डी, पीएसआय आर एल मन्नाबाई यांनी घटनास्थळी भेट देऊन कायदेशीर कारवाई केली आहे.
