देवाच्या दर्शनासाठी गेलेल्या चौघांचा अपघातात मृत्यू
विजयपूर/ प्रतिनिधी- दिपक शिंत्रे
देव दर्शनासाठी गेलेले घरी न परतता अपघातात चौघांचा मृत्यू झाल्याची घटना हुनगुंद तालुक्यातील धन्नूर गावाजवळ घडली आहे
विजयपूर जिल्ह्यातील मुद्धेबिहाळ शहरातील महंतेश नगर येथील रहिवासी रामण्णा नायकमक्कळ (वय ५७), लक्ष्मण वडृर (वय ५५), बैलाप्पा बिरादर (वय ४६) मुहम्मद रफीक (वय २३) अशी मृतांची नावे आहेत.
मिळालेल्या माहितीनुसार मयत होस्पेट येथील हुलीगेम्मा देवी मंदिरात देवीचे दर्शन करून कारने परतत असताना हुनगुंद तालुक्यातील धन्नूर गावच्या टोलनाक्याजवळ मुद्धेबिहाळ कडून येणाऱ्या एका लॉरीला धडक बसून भीषण अपघात झाला व कारमधील चार जणांचा मृत्यू झाला.
दोन्ही वाहनांच्या धडकेमुळे कारचा पुढील भाग पूर्णपणे चक्काचूर झाला तर लॉरी रस्ता सोडून शेजारच्या शेतात पडली. धन्नूरजवळ मध्यरात्री 2:10 वाजता ही लॉरी टोल नाका पास केल्याची माहिती मिळाली आहे.
हुनगुंद पोलिसांनी घटनास्थळी भेट देऊन मृतदेह शवविच्छेदनासाठी पाठवले आहेत.
