नारी शक्तीचा जागर
यशस्वी उद्योजिका सौ.राजश्री हिरासकर
विजयपुर /प्रतिनिधी - दिपक शिंत्रे
नारी शक्तीचा उदो उदो ची सुरुवात विजयपुर येथील सौ राजश्री विनोद हिरासकर यांच्या यशोकथेने करीत आहे.
सौ.राजश्री विनोद हिरासकर, विजयपूर, कर्नाटक येथील एक अभिमानास्पद महिला उद्योजिका आहेत. महिलांचे सक्षमीकरण करण्याच्या ध्यासाने प्रेरित होऊन, त्यांनी त्यांचा *गोली सोडा* उत्पादन उपक्रम सुरू केला आणि अनेक स्थानिक महिलांसाठी रोजगाराच्या संधी निर्माण केल्या.
*अपने जीवन के लिए उच्चतम, भव्यतम लक्ष्य बनाएं क्योंकि आप वही बन जाते हैं जिस पर आप विश्वास करते हैं।”*
त्यांचा ब्रँड, *"स्वदेशी गोली सोडा,"* ने संपूर्ण विजयपूर जिल्ह्यात प्रचंड लोकप्रियता मिळवली आहे, जो त्याच्या अस्सल चव आणि गुणवत्तेशी बांधिलकी साठी ओळखला जातो. व्यवसायाच्या पलीकडे, जाऊन सामाजिक कारणांसाठी त्या खूप वचनबद्ध आहे. त्यांनी त्यांच्या नफ्यांपैकी 10% मुलींच्या शिक्षणासाठी आणि 5% विजयापूर मधील विशेष अपंग मुलांसाठी VSD असोसिएशनला देणगी देण्याचे वचन दिले आहे.
मॅन्युफॅक्चरिंग इंडस्ट्रीमध्ये पदार्पण करणारी एक महिला म्हणून, त्यांनी अनेक आव्हानांना तोंड दिले आहे, परंतु दृढनिश्चय आणि लवचिकतेने त्यांनी चिकाटी ठेवून यशस्वी वाटचाल करीत आहेत
_*राह संघर्ष की जो चालता है*_
_*वही संसार को बदलता है*_
_*जिसने रातों से है जंग जीती*_
_*सुबह सूर्य बनकर वही चमकता है*_
त्यांचा प्रवास हा साधा सुधा कधीच नव्हता. अनेक अडथळ्यांवर मात करून त्यांना भव्य असे यश प्राप्त झाले आहे.
बाजाराच्या मागणीशी जुळवून घेणं, गुणवत्ता राखणे, स्पर्धेची सामना करणे, नफ्याचे गुणोत्तर साधणे ही कसरत नेहेमीच असते तसेच त्यांच्या कार्य प्रणालीस आश्वासक कामाचं वातावरण निर्माण करून त्यांनी व्यवसाय या स्तरावर आणला आहे. अनेकांना असे वाटले होते की त्या हे करू शकणार नाहीत, मार्केट मध्ये टिकाव धरू शकणार नाहीत. पण त्यांनी करून दाखविले.
*उसे गुमाँ है कि मेरी उड़ान कुछ कम है*
*मुझे यक़ीं है कि ये आसमान कुछ कम है*
त्या असे म्हणाल्या की या यशोकथे साठी त्यांची निवड केली हा त्यांना त्यांचा सन्मान वाटतो आणि त्यांना हा देखील विश्वास आहे की महिला सक्षमीकरण आणि सामाजिक उत्तरदायित्वातील त्यांचे प्रयत्न त्याच्या मूल्यांशी जुळतात. माझी कथा समाज माध्यमावर सामायिक करण्याची आणि इतरांना त्यांच्या उद्योजकीय स्वप्नांचा पाठपुरावा करण्यासाठी प्रेरित करण्याच्या संधीबद्दल त्यांनी कृतज्ञता व्यक्त केली आहे.
मी व्यक्तिशः त्यांच्या लिंक ला भेट दिली असता असे लक्षात आले की, गुणवत्ता, स्वच्छता, अद्ययावत मशिनरी, इतर माणके यात कोठेही तडजोड नाही. अतिशय छान अशी त्यांची फॅक्टरी आहे, आदर्शवत आहे. त्यांच्या उज्वल भविष्यासाठी खूप खूप शुभेच्छा.
- दिपक शिंत्रे
