स्वानंद जेष्ठ नागरिक संघाचा दिवाळ संध्या कार्यक्रम संपन्न
मुंबई/ प्रतिनिधी- सुरेश पोटे
आजी आजोबा उद्यान *“स्वानंद”* जेष्ठ नागरिक संघ, छत्रपती शिवाजी महाराज उद्यान, दादर, मुंबई 28 या संस्थेच्या सर्व बंधू भगिनिंमध्ये स्नेह व ऐक्य टिकून राहण्याचे दृष्टीने संस्थेतर्फे विविध उपक्रम राबविले जातात त्यापैकी दि. 08/11/2024 रोजी दिवाळी संध्या हा कार्यक्रम पार पडला. या वेळी संस्थेचे पदाधिकारी, सभासद मोठ्या संखेने उपस्थित होतेच परंतु फेस्कॅाम मुंबई प्रादेशिक विभागाचे अध्यक्ष मा. श्री सुरेश पोटे, उपाध्यक्षा डॉ. रेखा भातखंडे यंच्यासह इतरही नवनिर्वाचित पदाधिकारी उपस्थित होते.
या वेळी कॅ. श्री. प्रफुल्ल तावडे यांनी 1962 मधिल चीनचे आक्रमण तसेच 1965 मधिल भारत-पाक युद्ध या मधील त्याच्यावर बेतलेल्या थरारक गोष्टी सांगितल्या तसेच काही सभासदांनी सुरेख गाणी गायली. संस्थेचे अध्यक्ष श्री. सोनसुरकर यांनी असेच सर्वांनी एकत्र येऊन काम करा असे सांगितले तर संस्थेचे सचिव श्री. गवस यांनी आमच्या संस्थेचे खजिनदार श्री. संजय साने यांना फेस्कॅाम मुंबई प्रादेशिक विभागाच्या समितीत घेतल्याबद्दल फेस्कॅाम मुंबई प्रादेशिक विभागाच्या अध्यक्षांचे आभार मानले.
फेस्कॅाम मुंबई प्रादेशिक विभागाचे मा. अध्यक्ष श्री सुरेश पोटे यांनी फेस्कॅामचे कार्य विस्तृतपणे सांगितले आणि ज्येष्ठ नागरिकांना मिळणा-या सवलतीबद्द्ल माहिती दिली.
संपूर्ण कार्यक्रमाचे सुत्रसंचलन संस्थेचे खजिनदार संजय साने यंनी केले.
